Murya (Guðmundur Ingi Guðmundsson) hefur framreitt fyrir Raftóna eitt lítið hugljúft jólalag. Lagið hans heitir It’s Christmas Time og er boðskapur lagsins að hátíðin færir fólk saman og áhyggjur eru óþarfar þar sem ástin er óeigingjörn. Jólasiðir eru Murya afar hugfangnir og ber því að rifja upp gamla og gilda siði. Í Lögbergi frá 1900 er rifjað upp á skemmtilegan hátt jólasiði frá hinum ýmsum löndum. “Það er gleðilegt að hugsa til þess um jólaleytið, hversu almennt jólahátíöin er haldin, og að það hátíðahald nær svo að segja um þvera og endilanga veröldina. Tiltölulega stuttur tími er síðan að farið var að halda jólin á sama hátt og nú á sér stað í Bandaríkjunum. Kvekararnir skiptu sér ekkert af jólunum, og Púritanarnir í Nýja Englandsríkjunum höföu ógeö á þeim, af því þeir rugluðu jólahátíðarhaldinu í Evrópu, og þá einkanlega á þýzkalandi og Englandi, saman við hina heiðinglegu og úreltu hjátrú kaþólsku kirkjunnar.þeir gættu alls ekki að því, að um leið og hinir kristnu forfeður vorir héldu í sumt af gömlum, heiðinglegum siðum, þá sviptu þeir þá hinni heiðnu þýðingu þeirra og notuðu þá eins og tákn upp á gleði sína yfir hinum nýju sannindum kristindómsins. Meðan nýlendurnar, sem nú heita Nýja Englandsríkin, voru að myndast, voru jólin haldin meira og minna heilög á Englandi, þrátt fyrir fordæmingardóma Kvekara og Púrítana. En jólatréð var ekki innleitt í þetta land fyr en þjóðverjar komu hingað. Þeim eiga menn að þakka fyrir þetta fagra tákn jólanna, og frá þjóðverjum í Pennsylvania er kominn siðurinn að hengja sokkinn upp fyrir framan eldstæðið. Þessa sömu siði fluttu þjóðverjar inn á England, og er það sérstaklega eignað Albert prinz, manni Victoriu drottningar, sem allt af hélt við sínum þýzku siðum, og hefur með því glatt hjörtu einnar barnakynslóðar eftir aðra. Á Norður-Þýzkalandi heitir sá Rúpert gosi sem sendur er til að gefa börnunum gjafir. Hann er klæddur í skinnbuxur, með hvíta kápu, grímu og langt flaxandi hár. Hann fer um á aðfangadagskvöld. Ef börnin hafa verið góð, gefur hann þeim leikföng, en ef þau hafa verið óþæg, skilur hann eftir birkivönd handa foreldrunum til að hirta þau með. [...] það er einkennilegt og óskiljanlegt, að hin elzta frásaga um tré með ljósum, eins og jólatré vort, kemur frá Kína. Þvílíkt tré var allsstaðar reist upp þar um nýársleytið. Nálægt 250 árum f. Kr. er ritað um, að tré með blómstrum og hundrað ljósum hafi verið brúkað, og 7—800 árum e. Kr. er sagt frá, að hundrað lampa tré, áttatíu fet á hæð, hafi verið reist upp á háu fjalli. Á þessu tré var kveikt á nýársnótt. nú er ekki lengur kveikt á nýárstrénu í Kína, en í þess stað á ótölulegum fjölda af lömpum.”
Murya hefur komið inn eins og stormsveipur í tónlistarsenu landsins undanfarið, en stuttbreiðskífa hans Crystalline Substances kom út á hinni alíslenskri útgáfu Möller Records í síðasta mánuði. Tónlist Murya er hægt að lýsa sem hljómafagurri heiladanstónlist eða taktföst sveimtónlist. Skífan var í vinnslu í tvö ár og er afraksturinn einkar ánægjulegur. Fyrsta útgáfa hans var árið 2009 með laginu Grey Daze, en það lag var gefið út á safndisknum Imaginary Friends á vegum hins virta útgáfufyrirtækis Ultimae Records. Á þessu ári deildi hann lagi á safndisknum Mindfield, ásamt stórnöfnum innan raftónlistarheimsins svo sem Black Dog, Spacetime Continuum, Boxcutter og Future Sound of London.